Shugaba Tinubu Ya Nada Ali Nuhu A Matsayin Shugaban Hukumar Fina-Finai Ta Najeriya

Shugaban Kasar Najeriya, Bola Ahmed Tinubu ya nada fitaccen jarumi, Ali Nuhu, a matsayin Shugaban Hukumar Fina-Finai ta Najeriya.

A wata sanarwa da ta fito daga Cif Ajuri Ngelale, mai ba shugaban kasa shawara na musamman kan harkokin yada labarai da wayar da kan jama’a a ranar Juma’a a Abuja, an nada fitaccen jarumi Ali Nuhu a matsayin shugaban hukumar Fina-Finai ta Najeriya.

Wannan mataki na daya daga cikin manyan nade-naden mukamai da shugaba Bola Tinubu ya yi, inda ya bukaci sabbin wadanda aka nada da su rike matsayin da nuna kwarewa, kwazo da kishin kasa a cikin ayyukansu.